పవన్ పై ఆశక్తీకర వ్యాఖ్యలు చేసిన బాలీవుడ్ హీరో ! వివేక్ ఓబ్రాయ్ మాటలను బట్టి పవనిజమ్ ఆంధ్రప్రదేశ్ హద్దులను దాటి జాతీయస్థాయిలో సంచలనంగా మారబోతోంది అనే సంకేతాలు వివేక్ ఓబ్రాయ్ మాటలు ద్వారా వినిపిస్తున్నాయి.
గత ఆదివారం సీమాంధ్ర ప్రదేశ్ ముఖ్యమంత్రిగా చంద్రబాబు నాయుడు ప్రమాణ స్వీకార ఉత్సవానికి ప్రత్యేక అతిధిగా వచ్చి అందర్నీ ఆశ్చర్య పరిచాడు బాలీవుడ్ నటుడు వివేక్ ఓబ్రాయ్. ప్రమాణస్వీకార ఉత్సవం జరుగుతున్నంతసేపు పవన్ కళ్యాణ్ పక్కనే కూర్చుని సందడి చేసాడు వివేక్ ఓబ్రాయ్.
చాలాకాలం తరువాత భాగ్యనగరం వచ్చిన వివేక్ ఒక ప్రముఖ ఇంగ్లీష్ దిన పత్రికకు ఇచ్చిన ఇంటర్వ్యూలో పవన్ కళ్యాణ్ పై ఆశక్తికర వ్యాఖ్యలు చేసాడు వివేక్. పవన్ తనకు అన్న లాంటి వాడని కామెంట్ చేయడమే కాకుండా పవన్ తనకు ఒక మార్గదర్శి అంటూ పవన్ పై ప్రశంసల వర్షం కురిపించాడు వివేక్. తాను ఆరు సంవత్సరాల క్రితం పవన్ ను కలిసిన నాటి నుంచి పవన్ కు తాను వీరాభిమానిగా మారిపోయానని చెప్పడమే కాకుండా పవన్ సినిమాలను తాను వరుస పెట్టి చూస్తానని చెప్పుకొచ్చాడు ఈ విలక్షణ బాలీవుడ్ నటుడు. ఇదే నేపధ్యంలో మరొక ఆశక్తికర విషయాన్ని కూడ బయట పెట్టాడు వివేక్. అతిత్వరలో తాను నిర్వహించబోతున్న ఒక భారీ రక్తదాన శిబిరానికి పవన్ కళ్యాణ్ సహాయం తీసుకోబోతున్నానని ఒకేఒక్క రోజులో దాదాపు లక్ష లీటర్ల రక్తాన్ని సేకరించే ఈ బృహత్తర కార్యక్రమానికి పవన్ కళ్యాణ్ ను ప్రచార సారధిగా వినియోగించుకోవాలని ఆలోచిస్తున్నానని చెప్పాడు వివేక్. అంతేకాకుండా ‘పవన్ అన్నతో అనేక సామాజిక కార్యక్రమాలు ముంబాయిలో చేస్తాను’ అన్న వివేక్ ఓబ్రాయ్ మాటలను బట్టి పవనిజమ్ ఆంధ్రప్రదేశ్ హద్దులను దాటి జాతీయస్థాయిలో సంచలనంగా మారబోతోంది అనే సంకేతాలు వివేక్ ఓబ్రాయ్ మాటలు ద్వారా వినిపిస్తున్నాయి.
No comments:
Post a Comment